Un amor de campo, con limas, jocotes y paseos entre arboledas.
Binin junt lwal tzatz ta’n amoxe’n, binin junt lwaq’ tzatz ta’n atzatzine’n. Yi jun peq’a’na’tz yi at tzqaxo’l tzawuch’ kyi bajsbe’n chij tane’n xe kyä’j.
Qo ltzatxum yi lkẍa’j tzwë’j, najtawaj intxu’ xkoya’, at patz’um tzquch’ Nincha’tz at k’um nin at swolij. At la’y, at itzaj, at jun k’oloj lo’baj.
Kyi’k tajwe’n lkẍben ta’n tzky’a’i’n joylaj, na naqa’jnin at jun bo’mtz le xtxotx’ intaj. Yi ninq ltzawal kuj tzwetz, ẍchintzatzinq awa’n nincha’tz tztoq’le’ intxu’ awutz.
Kyi’ lkxob tzkyetz e’ boch, tzkyetz e’ ky’itx, na at ky’iky’lalkyetz.
Ntina’tz qaq’untz ltzban tzawuch’ kolche’n chik’olob e’ qa’ktx ejnin chipstore’n e’ qawun. yi ninq lkẍa’j tzwe’j.
KYi’pe’ atz yi lqe’ltz ta’n xo’n xola’q tze’, stzi’aq a’ ntina’tz ltzinsuqtz tzawetz, ba’n qak’ole’ tmuj, ba’n lqabajsaj jun qale’, jun wa’j qatz’al, qo’q käb qamarus.
At jun wi’ kyaq’ tzwuch’, at jun wi’ q’inum in awoltetz. <Chile’ qanitxa’> chin banaqtz, tink’u’lku’ntu’.
Kyi lkxob taq’un, i’q joylajtzunq atine’t naqa’jnintz xe’wtze’n.
Binin junt lwal tzatz ta’n amoxe’n, Binin junt lwaq’ tzatz ta’n atzatzine’n, Najchinpeq’ tzawë’j, kujajbin yi to’ql walma’ Na i aẍa’tz yi najwaj ltz’ok tetz wuxqel.
Pedro Martínez
Poeta Chalchiteco
Comments