Najchejkan, najxon, najtzatzin yi najojqel xo’laq k’ub.
CHin sqojalnin chij tane’n tqan sqil.
CHin xtxa’xalnin chij tane’n txa’xk’ub.
Q’ana’ptz a’, najchejkan chij najban , q’alaj ejnin najwajkan chij najban kyeq’eq’. ¡Ay Q’ana’ptz! aq’ol tzatzin tetz wetz
yi najchinbisun,
ta’ntu’ yi chin yubel yi najmoxonnin walma’.
Wi’nin bil, tzi Q’ana’ptz,
nojnaq ta’n txa’xk’ub,
yubse’nt ta’n chiẍch’in e’ ch’u’l. Balaj a’ qale najuk’a’e’t tuk’umux,
ejnin qale najchioq’e’t xmukuy.
KYi’k junt ama’l yi chinyube’nninq
chij Q’anap’tz, qale najchimoxwitkyib’
xiky xun…ejnin ta’ntu’ yi xtxak’txal
najmoxewe’t walma’ tq’ab bis o’ql.
Lu’ Peter Luito Yën Aj CHalchitan Ajtz’ib
![](https://static.wixstatic.com/media/763b61_044d403e07b9416aae5aee4636ce5bd8~mv2.jpg/v1/fill/w_144,h_86,al_c,q_80,usm_0.66_1.00_0.01,blur_2,enc_auto/763b61_044d403e07b9416aae5aee4636ce5bd8~mv2.jpg)