Na’ Li’n TX’i’x (poema)

Na’ Li’n TX’i’x

Jatninlo’ bis o’q nkyaj tq’olu’, kyi’ txumijt qo ya’tz tzbane’tz. CHe’nku’n nbanu’ chij najban kyaq’eq’ yi jalku’n najxit.

Ilu’ na’ Lina’

jatninlo’ oq’bililu’ nkyajken’, najchichunan e’ mamaju’, najsotz chik’u’l e’ talu’ ¿Lo’qtzun qetz qatxu’? che’ch.

Ay chinxunil, ay aq’un ay tokse’n wäj, ay taq’le’n ajtza’ql, kyi’k te’tz, jaltlentu’ bis.

Ba’nbinu’ ma’s yi nmu’l sqil, ba’nu’ yi nbajij kapeji’n. Jajbin wanu’, jajbin xq’e’linu’, !Cha’tz! juntu’ moy nme’lsan xewu’.

Wi’nin bis jalu’, wi’nin o’ql jalu’ na kyi’kt tetzu’ ẍchixo’l e’ talu’. Najtzan t’ole’ sub, najq’upin sib, najtzan joyle’ a’ptz, najbajij tx’ujti’n ntin na nq’e’tz tetz tzatzi’n.

Jajbin ul kyimichil tzwutzu’, ba’nqlo i’q jun yabil, jajqlo’ tziwunkyenu’a’tz, mana kyi’ Che’nku’n nban chij jun wutziky.

Tona’ qiltninu’ tuch’ chin lana’u’ tona’ qiltninu’ ta’n xo’n tbe’, tona’ ltziwuntkenu’ tzqetz.

Jaltlentu’ bi’u na’wsaqken: <<qa’jtzun na’ Li’n TX’i’x, che’ch wunaq tzbane’>>

CHe’n xqisaq tetzu’ eqka’p ẍchixo’l e’ mam te’u’.

Max chik’u’lu’ e’u’ xonl Q’ajtzun na’.