I tane’n sajle’n xan najxkon kyaq’un qatanum taq’un je’se’n chika’l. Kyi’k tajwe’n jun k’oloj taqle’n taq’un banle’n xan ntin najtaj kach’ xq’ol, xaqtz taq’un stz’aqoltib pe’nintzq’il, najtaj a’ ncha’tz puqlaj. Yi banol xan najjoy jun echbil, yi jun echbila’tz tzlum najxkon taq’un banle’n ejnin kyajxtx’u'ke’n najban xomkyentu’tz të’j yi ma’lbil xan yi najajwij. At ta’n wajxaq, lajuj ejnin kablaj mamil wi’ q’abaj yi wutz.
Yi e’ wunaq najchaq’uj taq’un banle’n xan najxkon chiqan kyaq’un ta’n xyulq’e'n xq’ol jalen yi najyujtib tuch’ yi puqlaj nqa xaqtz ncha’tz najt’oqt’ax bantz pe’nintzq’il lbajij xajle’nku’n xq’ol tk’u’l echbil.
Najtky’ajnin käb nqa ox q’ej yi najsqeje’t qo chinchamnin tane’n q’ej matzun qo muj wutz kya’j najnin tky’ajnin kyaj nqa o’ q’ej. Itzun yi najsqej yi tibaj naje’ tolpe’n ejnin najel josij taq’un junt ma’kl yi xlajaq. Naje’kyen tolpe’n junt nqa käb’t q’ej bantz sqeje’n yi xlajaq qalena’tztzun ltz’ok aq’unwiltz taq’un ẍchomleje’n ncha’tz najtaj ẍchese’n le ku’lbil jalen lxkon nqa ljal loq’ol të’j.
CHinchiyube’nin e’chq ka’l najchinuk’xij të’j xan.
Yi jamel jun xan jalu’ i’tz käb tu me’ nqa ox pwoq. Yi aq’unwil të’j xan tajwe’n yi at q’altnaqil të’j ta’n kyi chije’n pax yi xan na najtaj yi ma’le’nku’nnin tzban puplaj tk’u’l.
Kaboxku'ntu' wunaq najxkonsan tetz xan.
コメント